Ballo Pantomima della Cordella: Il 20 Agosto a Petralia Sottana si rinnova l’antico intreccio

L’ intrecciu, chiù anticu di ottant’anni, è chiddu da’ Curdedda, ca torna puntuali a prima duminica doppu Ferragustu. 

A essiri ntrizzati su vintiquattru nastri culurati, i curdeddi, ca piennunu d’un palu cu n’cima na ricca spiga di grano. A ntrizzari sti nastri ci su dudici coppi di ballerini, vistuti comi voli l’antica tradizioni contadina. 

Un vortici di culura giranu ntornu a na pertica, e diversi trami di nastri acculurati vienunu ntissuti di’ ballerini cu granni abilità.  U ritmu è chiddu da’ tarantella siciliana, cu scrusciu di cianciani, vibrazioni di marranzanu, suonu melodiusu di friscalettu. 

S’assisti a na danza ca vanta origini antichissimi, fatta pi celebrari a vita, a natura, l’amuri fecondo. Infatti si svolgi doppi a “Rievocazione d’Anticu Curteu Nuziali”.

Ogni cosa è un simbolo: a spiga ricorda u culto da’ dea Cerere; i dudici coppi rappresentano i dudici misi di l’annu; i quattru figuri rappresentano i quattru stagioni. 

Quannu talii nta l’uocchi di’ ballerini e di’ musicanti e vidi ca luciunu di na sacra passione, u to disìu è chiddu di iritinni appriessu a iddi abballannu, cantannu, sunannu.

Pagine: 1 2 3